Կապանի Ժամանակակից Արվեստի Թանգարան

Հենրիկ Իգիթյանի նախաձեռնությամբ 1990թ-ին հիմնադրվում է Երևանի ժամանակակից արվեստի թանգարանի Կապանի մասնաճյուղը։ Թանգարանում կարելի է տեսնել գեղանկարիչների, քանդակագործների, գրաֆիկաների և դեկորատիվ կիրառական արվեստի աշխատանքներ։
Թանգարանում կազմակերպվում են Կապանի նկարիչների անհատական և խմբակային ցուցահանդեսներ։ Կարելի է հիշել 2013թ-ի «Աշուն-2013» ցուցահանդեսը, որի ժամանակ տպագրվել է նաև գիրք, 2015թ-ի ապրիլին «Հիշում եմ և պահանջում» ցուցահանդեսը, որը նվիրված էր Եղեռնի զոհերի 100-ամյա հիշատակին։
Արվեստի պետական քոլեջի և արվեստի դպրոցների սաները հաճախ իրենց ուսանողական պրակտիկան անց են կացնում հենց այստեղ։ Կարևոր նշանակություն ունի թանգարանը տարածաշրջանի մշակույթի զարգացման հարցում, տարածելով ժամանակակից արվեստի մշակույթը և գաղափարները։